Kad čovik sede s Anton Ćićon Ganzon, poslin pet minuti razgovora ne more ne promislit: pa ovi tip bi moga zaminit cilu splitsku Turističku zajednicu skupa s poglavarstvon grada. Priša je osan banki, a možjani mu radu ka švicarski sat. I tako od MIS-a, priko osandesetih godin kad je vodija Turistički savez i prvi otkrija da je Split i turistički, a ne samo tranzitni grad, organizacije nezaboravnih splitskih ludih noći, Prvenstva Evrope u atletici, obnove Sudamje, pa do projekta Split 1700, a to je samo mali dil onoga šta je ovi okretni čovik darova svome Splitu.
O njegovin projektima kojima je Split učinija boljin i veselijin miston moga bi se libar napisat (i napisan je), al kako smo usrid fjere svetoga Duje, tako ćemo proćakulat baš na tu temu. Malo se ko sića da je...