Evo me dragi štioci, javjan van se poza puno vrimena nepisanja pa mi se pari da san se jopet rodija. Koliko san god ronja na ovu makinjetu joli laptop, moran van spjegat da je to jedna puno lipa i zahvalna makinja, jerbo na njoj moreš pisat i brisat koliko te voja.
Ne moraš stavjat kartu, vengo kad fermaš notavat samo udreš u botun i ona sve zapameti i lipo spremi na svoje misto, pa ako ti triba čakod dopunit joli izbrisat moreš i to. Ma za Gospu skoro san zauidobija ča san mislija notat. Dunkve, evo kako je to bilo.
Mola san panulu
Kako ja, dok san po godišća u naše malo misto, gren svaki dan na more lovit ribu, lipo san se i ti jedan dan diga sa terace, privižita more, popija dekote, skupija iz dubokoga ješku i partija u Karaku na prvu kafu nigdi oko 6 uri.
Lipi dan,...